ghungru pe baat kar na tu paa.il pe baat kar
mujh se tava.ifon ke masa.il pe baat kar
fōtpath par paḌa hua divan-e-mir dekh
raddi men bikne vaale rasa.il pe baat kar
is men bhi ajr hai nihan nafli namaz ka
masjid men bhiik mangte saa.il pe baat kar
mera dua se baḌh ke dava par yaqin hai
mujh se vasila chhoḌ vasa.il pe baat kar
aa mere saath baiTh mire saath chaa.e pi
aa mere saath mere dala.il pe baat kar
sardar hain jo aaj vo ghaddar the kabhi
ja un se un ke daur-e-ava.il pe baat kar
‘vasif’ bhi salikon ke qabile ka fard hai
‘vasif’ se arifon ke shama.il pe baat kar
Leave a Reply