Dekh Kar Usko Mujhe Dhachka Laga

dekh kar us ko mujhe dhachkā lagā

misl-e-dariyā thā magar pyāsā lagā

nafratoñ kī dhund meñ lipTā lagā

aa.ine kā naqsh bhī jhūTā lagā

saḳht-jāñ the bach ga.e is baar bhī

zaḳhm ab ke bhī hameñ gahrā lagā

puure qad se īstāda jab hue

shahr kā har shaḳhs phir baunā lagā

kis kī chhāñv sā.ebāñ karte ‘shafīq’

har shajar par ḳhauf kā saaya lagā

Leave a Comment