Tumhein Jine Mein Aasani Bahut Hai

tumheñ jiine meñ āsānī bahut hai

tumhāre ḳhuun meñ paanī bahut hai

kabūtar ishq kā utre to kaise

tumhārī chhat pe nigarānī bahut hai

irāda kar liyā gar ḳhud-kushī kā

to ḳhud kī aañkh kā paanī bahut hai

zahar suulī ne gaalī goliyoñ ne

hamārī zaat pahchānī bahut hai

tumhāre dil kī man-mānī mirī jaañ

hamāre dil ne bhī maanī bahut hai

Leave a Comment