Sohail Azad
duniya apni chhoTi si
sar par gaThri chhoTi si
agli saḌak ka aḳhiri ghar
ghar men khiḌki chhoTi si
kaise ujḌi kise ḳhabar
dil ki nagri chhoTi si
kis sahra ki nazr hui
ek nadi thi chhoTi si
kandhon par jug bhar ka dukh
sar par gagri chhoTi si
us ke honTon par abad
ek dua thi chhoTi si
haath men ik bhari basta
aur ik taḳhti chhoTi si
aao use bhi yaad karen
niind ki basti chhoTi si
nainital ki barish tez
aur ye chhatri chhoTi si
Leave a Reply