poet

Hue Janab Mein Ab Tak Na Tere Hum Gustakh

hue janab men ab tak na tere ham gustakh

khuda ke vaste ham se na ho sanam gustakh

chhupaya raz-e-mohabbat ko dil men par haihat

kare hai naam mira bad ye chashm-e-nam gustakh

jo aave ji men so kah le main huun vo ai pyare

rahun hazar huzuri men par huun kam gustakh

kaha gale se laga le tu iltifat nahin

kahe hai tis pe mujhe kyuun tu dam-ba-dam gustakh

yahi ummid hai ‘chanda’ ko khub-ruyon men

rakhe hamesha tera ya ali karam gustakh

More Poems

Leave a Comment