Zia Jalandhari
de gaya dard-e-be-talab koi
mera hamdard tha ajab koi
kaun nikla hai apni uljhan se
aur ko pa saka hai kab koi
ye ujala ye din kahan huun main
mujh se kuchh kah raha tha shab koi
ab jo ruThe to jaan pe banti hai
ḳhush hua mujh se be-sabab koi
meri manzil mujhe nahin ma.alum
sub.h koi hai aur shab koi
maut aur aarzu ki maut ‘ziya’
haan bahut mutma.in hai ab koi
Leave a Reply