Hadi Machlishahri
tumhen bhi malum ho haqiqat kuchh apni rangin-ada.iyon ki
kabhi use chheḌ kar to dekho jo lai mire dil ki saaz men hai
abhi to ik qatra hi gira tha ki jis se halchal men hai zamana
ḳhuda hi jaane ki kitni quvvat dil-e-hazin ke gudaz men hai
ilahi ḳhair us ke sang-e-dar ki na ho kahin sarf-e-shauq vo bhi
ki zauq-e-sajda ki ek duniya miri jabin-e-niyaz men hai
Leave a Reply