tumhen bhi chaha, zamane se bhi vafa ki thi
ye nig.h-dari junun ne juda juda ki thi
vo saara qissa faqat rakh-rakhav ka to na tha
us ek naam se nisbat bhi intiha ki thi
kisi chhabile men vo chhab nazar nahin aa.i
vo ek chhab ki jo us a.ina-qaba ki thi
ḳhuda! sila de dua kaa, mohabbaton ke ḳhuda
ḳhuda! kisi ne kisi ke liye dua ki thi
main apna chehra kahan DhunDhta phirunga ab
ki main ne teri jabin apna aa.ina ki thi
hamen tabah to hona tha apni apni jagah!
tavil jang thi aur jang bhi ana ki thi
saba-nafas tha vo aur main tha gard-bad-mizaj
hamare biich thi jo qadr so hava ki thi
Leave a Reply