Syed Zameer Jafri
tufan nahin guzre ki bayaban nahin guzre
ham marhala-e-zist se asan nahin guzre
kuchh aise maqamat bhi the rah-e-vafa men
mahsus ye hota tha ki insan nahin guzre
arsa hua vo zulf-e-pareshan nahin dekhi
muddat hui nazron se gulistan nahin guzre
har hadisa-e-nau se ulajhte ga.e har gaam
ham rahguzar-e-shauq se guzaran nahin guzre
hairan to guzre hain zamane ki ravish se
ye apni ravish thi ki pareshan nahin guzre
kya ham ko sata.ega gham-e-gardish-e-dauran
ham tujh se abhi ai gham-e-janan nahin guzre
Leave a Reply