Poet
tumhari zulf ke charche pareshanon men rahte hain
miri divangi ke zikr divanon men rahte hain
nahin parva-e-iman kafiran-e-ishq ko hargiz
unhen ka.aba se kya matlab jo but-ḳhanon men rahte hain
talash us rashk-e-laila ki jo rahti hai hamen har-dam
usi se qais ke manind vo viranon men rahte hain
miyan-e-mahfil-e-ahbab hai vo sham.a ki surat
ham us se lau laga.e us ke parvanon men rahte hain
falak se baḌh ke rutba ho na kyuun kar qasr-e-janan ka
mala.ek jis jagah adna se darbanon men rahte hain
ajab hai nek sohbat ki na hota sair insan men
mohazzab bante hain haivan jo insanon men rahte hain
na ho mazmun aali kyuun bhala ash.ar ‘ahqar’ men
suḳhan-danon se sohbat hai zaban-danon men rahte hain
Leave a Reply