Apni Aankhen Hain Aur Tumhaare KHwab

apnī āñkheñ haiñ aur tumhāre ḳhvāb

kitne pur-kaif haiñ hamāre ḳhvāb

un ke haq meñ baḌā sahārā haiñ

dekhte haiñ jo be-sahāre ḳhvāb

hāsil-e-zindagī jinheñ kahiye

kuchh hamāre haiñ kuchh tumhāre ḳhvāb

yūñhī bante bigaḌte rahte haiñ

gardish-e-vaqt ke sahāre ḳhvāb

haañ na TuuTe tilism-e-ḳhush-fahmī

yūñhī dekho ‘ra.īs’ pyāre ḳhvāb

Leave a Comment