Poet
har ik surat men tujh ko jante hain
ham is bahrup ko pahchante hain
hai qadir to ḳhuda lekin butan bhi
vo kar chukte hain jo kuchh Thante hain
tu naseh maan ya mat maan lekin
tiri baten koi ham jante hain
ga.e gauhar ke tajir jis taraf se
ham un raston ki maaTi chhante hain
na sambhla asman se ishq ka bojh
hamin hain jo ye magdar bhante hain
murid-e-ḳhandan-e-ishq jo hai
ham apna piir use gardante hain
kali maren hain do raka.at pe zahid
na DanD pelen na magdar bhante hain
bahut jaage ham us mahfil men ‘qa.em’
koi dam ab to chadar tante hain
Leave a Reply