Tariq Jawed
tumhari zaat ka pahle guman koi nahin tha
hamara kun se pahle raz-dan koi nahin tha
baḌi ḳhush-fahmiyan thiin saath hain ahbab lekin
jo pichhe muḌ ke dekha to vahan koi nahin tha
Thikana mil gaya ham ko tumhare dil men aḳhir
ki is se qabl to apna makan koi nahin tha
mujhe avargi ne ja ke chhoḌa us jagah par
musalsal barf-bari thi dhuan koi nahin tha
Leave a Reply