shahron se shahr-e-yar ki tanha.iyan na puchh
laale se lala-zar ki tanha.iyan na puchh
gulshan men phuul dekh to sabze ka rang dekh
baTti hui bahar ki tanha.iyan na puchh
jannat-badar hue to mile arz pe rafiq
jannat men kirdgar ki tanha.iyan na puchh
yaran-e-tez-gam to aage nikal ga.e
uḌte hue ghubar ki tanha.iyan na puchh
mera lahu gira tha sar-e-rah aur us ke ba.ad
tegh-o-rasan ki daar ki tanha.iyan na puchh
Leave a Reply