Shahron Se Shahr-E-Yar Ki Tanhaiyan Na Puchh

shahroñ se shahr-e-yār kī tanhā.iyāñ na pūchh

laale se lāla-zār kī tanhā.iyāñ na pūchh

gulshan meñ phuul dekh to sabze kā rang dekh

baTtī huī bahār kī tanhā.iyāñ na pūchh

jannat-badar hue to mile arz pe rafīq

jannat meñ kirdgār kī tanhā.iyāñ na pūchh

yārān-e-tez-gām to aage nikal ga.e

uḌte hue ġhubār kī tanhā.iyāñ na pūchh

merā lahū girā thā sar-e-rah aur us ke ba.ad

teġh-o-rasan kī daar kī tanhā.iyāñ na pūchh

Leave a Comment