Bahut Dawe Kiye Hain Aagahi Ne

bahut daave kiye hain agahi ne

nahin samjha mohabbat ko kisi ne

jabin par khaak ke zarre nahin hain

sitare chun diye hain bandagi ne

shikayat hai unhen bhi zindagi se

jinhen sab kuchh diya hai zindagi ne

saba se puchhiye kya gul khilae

chaman men un ki ahista-ravi ne

khuda gharat kare dast-e-sitam ko

abhi to aankh kholi thi kali ne

mah o anjum ko zau bakhshi hai ‘mumtaz’

hamare ansuon ki raushni ne

Leave a Comment