Tumhaari Bazm Mein Mahrum-E-Jam Hum Bhi The

Moosa Raza

tumhari bazm men mahrum-e-jam ham bhi the

faqat raqib nahin tishna-kam ham bhi the

faqih-e-shahr ne gumrah kar diya varna

sifat-shanas halal-o-haram ham bhi the

amama-band-o-qaba-poshgan ka zikr hi kya

tire huzur men ba-ehtiram ham bhi the

shikasta-pa.i-e-mir-e-safar ka kya shikva

ki rah-e-shauq men kuchh sust-e-gam ham bhi the

tiri jafaon ne azad kar diya varna

tiri adaon ke adna ghulam ham bhi the

nigah-e-ḳhas ne yak-laḳht kar diya zinda

vagarna kushta-e-dastur-e-am ham bhi the