zahida-zaidi

maut

ufuq-e-zist se ik aur sitara tuuta

ik kiran aur hui raat ki zulmat men asiir

phir kisi naghma-e-betab ki lai saaz se azad hui

ek tabinda haqiqat ki jo thi raaz hui

sard paiman-e-vafa sard hui atish-e-shauq

sard jazbat ka tufan khamosh

sard tabinda nigahon ke sharar

sard-bar-kaifiyat-e-gham ki sulagti hui aag

jaam pur-shor se gir jaane do nakam tamannaon ki mai

farsh-e-mai-khana-e-ulfat pe ulat do saghar

sar-nigun band darichon men ummidon ke diye gul kar do

dastan soz-o-mohabbat ki adhuri hai

magar

alamiya khatm hua

dil-shikan akhiri manzar pe gira do parde

More Poems

Leave a Comment