Poet
haqiqat apni bas itni hi janta huun main
jo tai hua na kisi se vo marhala huun main
figar qalb-o-jigar hain to ḳhun-chakan ankhen
hua ye haal magar phir bhi be-vafa huun main
na kar mughanni-e-nadan fuzul zaḳhma-zani
shikasta-saz huun fariyad-e-be-sada huun main
ata vo hosh-ruba mai ho chashm-e-mai-gun se
koi ye kah na sake phir ki parsa huun main
ye ḳhun-e-dil se chaman sinchne ka ajr mila
nigah-e-ahl-e-chaman men khaTak raha huun main
hasin ḳhvab dikha kar fareb-e-lutf na de
hasin ḳhvabon ki ta.abir janta huun main
vo jan-gusil hi sahi phir bhi hai gham-e-janan
na pochhiye jo maza is men pa raha huun main
mili bhi chashm-e-haqiqat-nigar to kya hasil
zaban pe la nahin sakta jo dekhta huun main
Leave a Reply