tumhare hijr ko kaafi nahin samajhta main
kisi malal ko hatmi nahin samajhta main
ye aur baat ki aari hai dil mohabbat se
ye dukh siva hai ki aari nahin samajhta main
chala hai raat ke ham-rah chhod kar mujh ko
charagh us ko to yaari nahin samajhta main
main inhimak se ik intizar ji raha huun
magar ye kaam zaruri nahin samajhta main
miri vafa hai mire munh pe haath rakkhe hue
tu sochta hai ki kuchh bhi nahin samajhta main
Leave a Reply