rabt sanson ka kahegi raat baaqi
ab to ruk ruk kar chalegi raat baaqi
kaT ga.i ik raat karte baat tujh se
kya pata kaise kaTegi raat baaqi
ik mukammal zindagi kaise likhun main
din mukammal par rahegi raat baaqi
jurm tha sangin tum ḳhvabon men aa.e
tab riha.i jab Dhalegi raat baaqi
baat jab koi nahin to shor kya hai
raat bhar puchha karegi raat baaqi
vo mire pahlu men aa kar so ga.e hain
ab ghazal jaisi chalegi raat baaqi
Leave a Reply