Paras Mazari
tumhare ghar pe main aa to nahin raha mire dost
ghuma phira ke batao na rasta mire dost
hava ho garm ki ThanDi pasina sukhta hai
vo mera dost hai achchha hai ya bura mire dost
bichhaḌte vaqt zarurat nahin hoi mahsus
aur ab na rabta number na rabta mire dost
main yuun to ek mohabbat ke qa.elin men tha
tujhe mila to raha hi nahin gaya mire dost
hamari aankh men quvvat hai rang chakhne ki
hamari aankh batati hai za.iqa mire dost
purane giit men shamil kiye hain saaz na.e
suḳhan men itna to hissa raha mira mire dost
Leave a Reply