parveen-fana-syed

Tumhaara Zauq-E-Parastish Mujhe Aziz Magar

tumhara zauq-e-parastish mujhe aziiz magar

main is zamin ki mitti mujhe khuda na kaho

tumhare saath agar do-qadam bhi chal na sakun

to khasta-pa huun mujhe mujrim-e-vafa na kaho

ye ek pal ki dhadakti hayat bhi hai bahut

tamam-umr ke is rog ko bura na kaho

is ek khauf se lab si liye tumhare huzur

ki harf-e-shauq ko izhar-e-muddaa na kaho

ye be-rukhi ka gila mujh se pahle khud se karo

use nigah ka yak-tarfa faisla na kaho

guzarte vaqt ke marham se bhar na jaae kahin

is ek zakhm ko chahat ki intiha na kaho

main ek zinda haqiqat huun ek pal hi sahi

tumhara aks huun tum to mujhe fana na kaho

More Poems

Leave a Comment