sham-e-tanha ki tarah sub.h ke taare jaise
shahr men ek hi do honge hamare jaise
chhu gaya tha kabhi is jism ko ik shola-e-dard
aaj tak ḳhaak se uḌte hain sharare jaise
hausle deta hai ye abr-e-gurezan kya kya
zinda huun dasht men ham us ke sahare jaise
saḳht-jan ham sa koi tum ne na dekha hoga
ham ne qatil ka.i dekhe hain tumhare jaise
didani hai mujhe siine se lagana us ka
apne shanon se koi bojh utare jaise
ab jo chamka hai ye ḳhanjar to ḳhayal aata hai
tujh ko dekha ho kabhi nahr kinare jaise
us ki ankhen hain ki ik Dubne vaala insan
dusre Dubne vaale ko pukare jaise
Leave a Reply