Poet
tumhara husn jo mahdud-e-la-makan hota
surur bada-e-ulfat men phir kahan hota
bahar men jo na andesha-e-ḳhizan hota
to aish-e-daur-e-baharan bala-e-jan hota
vo aa ga.e to khile hain jarahaton ke chaman
vagarna dard ka ehsas bhi kahan hota
nigah-e-lutf ko hoti dil-e-hazin ki talash
kabhi to yuun bhi mohabbat ka imtihan hota
ye jashn-e-sub.h-e-baharan ye zar-nigar kiran
kali ke dard ka koi to raz-dan hota
jahan jahan gham-e-dauran hua zarur magar
na ho saka gham-e-janan ki javedan hota
Leave a Reply