Raunaq Raza
zindagi ke kaise kaise hausle pathra ga.e
aarzu se chal ke tark-e-arzu tak aa ga.e
yaad hai itna ki ubhra tha koi aks-e-jamil
aur phir yadon ke saare a.ine dhundla ga.e
mere maazi ke chaman men the jo kuchh yadon ke phuul
rafta rafta zindagi ki dhuup men kumhla ga.e
zindagi bhi hai tumhare gham ke pas-e-manzar ki den
jab bhi main jiine se tang aaya huun tum yaad aa ga.e
Leave a Reply