Mere KHayal Mein Shaklen Badal Ke Aati Hain

mire ḳhayāl meñ shakleñ badal ke aatī haiñ

isī ḳharābe se pariyāñ nikal ke aatī haiñ

mire zavāl meñ nīñdoñ kā kuchh to hissa hai

mirī talāsh meñ rāteñ bhī chal ke aatī haiñ

mire badan meñ lahū chīḳhtā hai rātoñ ko

havā.eñ aatī haiñ lekin sambhal ke aatī haiñ

ḳhushī kahāñ kī hai ‘ārif’ ġhamoñ kā qissa hai

rifāqateñ bhī to ḳhvāboñ meñ Dhal ke aatī haiñ

Leave a Comment