Chale The Yar Bade Zoam Mein Hawa Ki Tarah

chale the yaar bade zoam men hava ki tarah

palat ke dekha to baithe hain naqsh-e-pa ki tarah

mujhe vafa ki talab hai magar har ik se nahin

koi mile magar us yar-e-bevafa ki tarah

mire vajud ka sahra hai muntazir kab se

kabhi to aa jaras-e-ghuncha ki sada ki tarah

vo ajnabi tha to kyuun mujh se pher kar ankhen

guzar gaya kisi derina ashna ki tarah

kashan kashan liye jaati hai janib-e-manzil

nafas ki Dor bhi zanjir-e-be-sada ki tarah

‘faraz’ kis ke sitam ka gila karen kis se

ki be-niyaz hui ḳhalq bhi ḳhuda ki tarah

Leave a Comment