bargashta-e-yazdan se kuchh bhuul hui hai
bhaTke hue insan se kuchh bhuul hui hai
ta-hadd-e-nazar sho.ale hi sho.ale hain chaman men
phulon ke nigahban se kuchh bhuul hui hai
jis ahd men luT jaa.e faqiron ki kama.i
us ahd ke sultan se kuchh bhuul hui hai
hanste hain miri surat-e-maftun pe shagufe
mere dil-e-nadan se kuchh bhuul hui hai
huron ki talab aur mai o saghar se hai nafrat
zahid tire irfan se kuchh bhuul hui hai
Leave a Reply