Apne Sab Chehre Chhupa Rakkhe Hain Aaine Mein

apne sab chehre chhupā rakkhe haiñ ā.īne meñ

maiñ ne kuchh phuul khilā rakkhe haiñ ā.īne meñ

tum bhī duniyā ko sunāte ho kahānī jhūTī

maiñ ne bhī parde girā rakkhe haiñ ā.īne meñ

phir nikal aa.egī sūraj kī sunahrī zanjīr

aise mausam bhī uThā rakkhe haiñ ā.īne meñ

maiñ ne kuchh logoñ kī tasvīr utārī hai ‘jamīl’

aur kuchh log chhupā rakkhe haiñ ā.īne meñ

Leave a Comment