tum to hasad ki aag men patthar hi laa.e the
nauhe hava ke dosh par ham ne suna.e the
ye raushni jo dekhte ho tum jagah jagah
ham ne ye sab charagh hava men jala.e the
jab qafila hamara hua tha lahu men tar
us majma-e-adu men nazar tum bhi aa.e the
jab shaam ke ghubar men ujḌa tha koi baagh
ujli sahar ke phuul the ḳhushbu naha.e the
ye tazgi kalam ko yunhi nahin mili
dil ke muamlat bhi manzar bana.e the
Leave a Reply