tum se poshida koi baat nahin
haan nahin jan-e-iltifat nahin
har ghaḌi un ka dhyan un ka ḳhayal
sub.h apni nahin hai raat nahin
dil men kitni hi dastanen hain
aur honTon pe koi baat nahin
kal yahi raat thi yahi ham the
aaj ki raat men vo baat nahin
gham-e-janan kabhi gham-e-dauran
gham se aḳhir hamen najat nahin
apni manzil pe aa ga.i hai hayat
hadse aur sanehat nahin
mil gaya hai kisi ka gham ‘raje’
ab gham-o-fikr-e-ka.enat nahin
Leave a Reply