Moosa Raza
tum mere saath bhi juda bhi ho
tum mira dard bhi dava bhi ho
tum safina bhi naḳhuda bhi ho
tum talatum bhi aasra bhi ho
DhunDhta huun kahan kahan tum ko
rahzan tum ho rahnuma bhi ho
tum hi ho meri garmi-e-aghosh
mere pahlu ka tum ḳhala bhi ho
dil ke rukne ki ho tum hi avaz
dil ki dhaḌkan ki tum sada bhi ho
pi ke sarshar bhi huun pyasa bhi
tishnagi bhi ho tum nasha bhi ho
Leave a Reply