tum mire ghar jo shab basar karte
raat bhar jashn bam-o-dar karte
tum jo aate mire tasavvur men
mere sheron ko mo’atabar karte
chha ga.e hote saari duniya par
nek a.amal tum agar karte
jaan lete tum us ki fitrat ko
saath us ke kabhi safar karte
tujh ko manzil ka gar pata hota
ham tujhe apna rahbar karte
multafit kyon hue ho ghairon par
tum mire haal par nazar karte
ham ko milta ‘zaki’ agar gustaḳh
zindagi us ki muḳhtasar karte
Leave a Reply