Poet
pur-kaif anjuman hai miri anjuman abhi
hai saz-e-dil pe yaad tiri naghma-zan abhi
amaj-gah-e-fitna-o-shar hai vatan abhi
rahbar ke bhes men hain yahan rahzan abhi
karne hain zindagi men mujhe gham ke tajribe
utre na dil se nashsha-e-ranj-o-mehan abhi
ai rind tark-e-mai pe na kar naaz is qadar
uTThi nahin ghaTa koi tauba-shikan abhi
rukta hai haath daman-e-hasti pe baar baar
shayad ḳhirad ki had men hai divana-pan abhi
rone do hasraton ko zara aur ai ‘ḳhalish’
lillah na.ash-e-dil pe na Daalo kafan abhi
Leave a Reply