Apne Andar Ke Andhere Ko Jalaya Maine

apne andar ke andhere ko jalāyā maiñ ne

kaun kahtā hai ki tūfān uThāyā maiñ ne

tū mujhe zahr pilātī hai ye terā sheva

ai mirī raat tujhe ḳhuun pilāyā maiñ ne

is ḳharābe ke muqaddar meñ faqat sannāTā

apnī tanhā.ī ko ik jism banāyā maiñ ne

koī Takrā.e to is hijr-zada mausam meñ

raat jañgal meñ bahut ḳhud ko jalāyā maiñ ne

Leave a Comment