muddaton baad aai ho tum
aur tumhen itni fursat kahan
an-kahe harf bhi sun sako
aarzu ki vo tahrir bhi padh sako
jo abhi tak likhi hi nahin ja saki
itni mohlat kahan
mere baghon men jo khil na paae abhi
un shagufon ki baten karo
dard hi baant lo
mere kin mahtabon se tum mil sakin
kitni ankhon ke khvabon se tum mil sakin
haan tumhari nigah-e-sataish ne
ghar ki sab araishen dekh liin
tan ki asaishen dekh liin
mere dil men jo paikan tarazu hue
tum ko bhi
lala-o-gul ke be-sakhta istiare lage
Leave a Reply