josh junun men raat din sab se raha alag alag
main huun juda alag alag log juda alag alag
main ne bala.en lene ko haath baḌhaya jab udhar
munh ko phira ke yaar ne mujh se kaha alag alag
sham.a jalane aa.e hain aaj vo meri qabr par
chalna ḳhuda ke vaste bad-e-saba alag alag
ḳhaak ho zindagi bhala tere mariz-e-ishq ki
main huun dava se duur duur mujh se dava alag alag
‘sabir’ vo kam-nasib huun hijr men gar uTha.un haath
bab-e-qubul se rahe meri dua alag alag
Leave a Reply