tire ba.ad is jahan men koi dusra nahin tha
are be-misal tujh sa koi bevafa nahin tha
mira Dubta safina kahun kaise paar utra
mire saath ik ḳhuda tha koi na-ḳhuda nahin tha
tire ishq ke talatum ne Dubo diya hai varna
to ai mauj-e-reg main bhi koi bulbula nahin tha
to ThiThurti sardiyon men kabhi aag lene aati
main jigar jala.e rakhta koi dil-jala nahin tha
vo misal-e-ḳhvab-e-manzar na lage palak palak se
koi ḳhvab phir na jaage mujhe ye pata nahin tha
tire is mariz-e-dil tak tu kabhi pahunch na paa.i
tu ye baat so chhupa.e main kahin chhupa nahin tha
main tamam hosh kho kar tire dar pe jaan se jaata
tire ghar ke raston men kahin mai-kada nahin tha
Leave a Reply