Ho Chuke Gum Sare KHadd-O-Khaal Manzar Aur Main

Zeb Ghauri

ho chuke gum saare ḳhadd-o-ḳhal manzar aur main

phir hue ek asman sahil samundar aur main

ek harf-e-raz dil par aa.ina hota hua

ik kohar chha.i hui manzar-ba-manzar aur main

chheḌ kar jaise guzar jaati hai doshiza hava

der se ḳhamosh hai gahra samundar aur main

kis qadar ik dusre se lagte hain manus ‘zeb’

nariyal ke peḌ ye sahil ke patthar aur main