Adaq Ye Baat Sahi Phir Bhi Kar Dikhaenge

adaq ye baat sahī phir bhī kar dikhā.eñge

bulandiyoñ pe pahuñch kar tujhe bulā.eñge

mujhe vo vaqt vo lamhāt yaad ā.eñge

ye nanhe lawn meñ jab titliyāñ uḌā.eñge

kiyā hai ahd akele raheñge ham daa.im

bharī rahe tirī duniyā meñ ham na ā.eñge

sumoñ kā rāsta taktī raheñgī sāñvaliyāñ

jo panchhiyoñ kī tarah lauT kar na ā.eñge

mirī qasam tujhe shahlā na ro na ho betāb

tire zavāl ke ye din bhī biit jā.eñge

Leave a Comment