ruuh kaghaz kalam ḳhushbu hai
kya numayan payam ḳhushbu hai
hai tumhare ḳhamir ki ḳhushbu
tum jo kahte ho aam ḳhushbu hai
ham se tohfe men phuul kyuun kar le
us ka to apna naam ḳhushbu hai
phuul mausam ki nazar ho ga.e sab
jis ne paaya davam ḳhushbu hai
koi mere qarib aaya hai
kyuun na bhejun salam ḳhushbu hai
nisbaten aap ke pasine se
kitni ali-maqam ḳhushbu hai
baat aghaz phuul se hogi
baat ka iḳhtitam ḳhushbu hai
Leave a Reply