poet

Saqiya Aisa Pila De Mai Ka Mujhko Jam Talkh

saqiya aisa pila de mai ka mujh ko jaam talkh

zindagi dushvar ho aur ho mujhe aram talkh

main to shirin-tar shakar se bhi samajhta huun use

jab vo dete hain bura kah kar mujhe dushnam talkh

bazm-e-mai men zikr tak aane nahin dete hain vo

hai hamara naam goya zahr ka ik jaam talkh

kya sabab lete nahin vo naam tak mera kabhi

khauf is ka hai na ho jaaen zaban-o-kam talkh

ishq ke phande se bachiye ai ‘haqir’-e-khasta-dil

is ka hai aghaz shirin aur hai anjam talkh

More Poems

Leave a Comment