Pahle Mausam Ke Baad

janm ka pahla dev-malai mausam guzar gaya

aur tum ruk gae

akhiri qadam ke aage divar ki inten chunte chunte raat ho gai

to main ne socha

jaane zanjiron ka tuul kaun se mausam se kaun se mausam tak hai

magar aage sirf la-mahdudiat hai ya phir divar

jis ki inton ka gaara vaqt ki mitti se bana hai

tanhai ka paani akhiri qadam ke aage divar ko mazbut kar deta hai

to achanak raat apna sar uthati hai

tumhen nahin malum

saanp dasne se pahle kitni der phan phailae khada raha

aur tum kahan ruke the

aur apne aage divar ki bulandi ke samne

tumhen kuchh nahin malum

sirf ek baat ke siva

ki har janm ka sirf ek hi dev-malai mausam hota hai