Har KHushi Maqbaron Pe Likh Di Hai

har ḳhushī maqbaroñ pe likh dī hai

aur udāsī gharoñ pe likh dī hai

ek aayat sī dast-e-qudrat ne

titliyoñ ke paroñ pe likh dī hai

jāliyoñ ko tarāsh kar kis ne

har duā pattharoñ pe likh dī hai

log yuuñ sar chhupā.e phirte haiñ

jaise qīmat saroñ pe likh dī hai

har varaq par haiñ kitne rañg ‘qamar’

har ġhazal manzaroñ pe likh dī hai

Leave a Comment