Aate Aate Tarf Mere Mud Ke Phir Kidhar Chale

Poet

aate aate tarf mere mud ke phir kidhar chale

jan-sahab! bin tumhare kha ke gham ham mar chale

sajde de naghisniyan karte hain tum sunte nahin

jo na karni thi samajat vo bhi kar aksar chale

aadmi se but kahae ab khudai ka hai azm

tuk karo insaf apni had se tum bahar chale

dekh levenge guzare ke taiin ab aur ja

dekha bhari pathar us ko chuum sar se dhar chale

ashiqon ne naam tera le kiya qalib tahi

marte marte bhi to tera hi ye sab dam bhar chale

bazm men tum khul rahe the baithe dekh ham ko ruk gae

gar yuun hi raazi ho lo ji uth ham apne ghar chale

kis ke aae kis se rang-raliyan kiya pyaar aur chaah

ishq ki badnami pyare rakh ke mujh uupar chale

khizr ko shabash uktaya na ab tak aur ham

zindagani ek dam bhar ki bhi kar dubhar chale

ah-o-afghan to hamara kar raha hai zor-shor

juun bagula ya ho andhi ya koi sarsar chale

dekhen kis ki aah ka us par asar ho ‘azfari’

ham to bhar maqdur, kar kitna hi shor-o-shar chale