kai sadiyon se sahra ki sulagti ret par tanha khadi main sochti huun
nahin koi nahin hai
nahin koi nahin hai jo mire andar bilakti khamushi ko thapkiyan de kar sula daale
mohabbat ok men bhar kar pila daale
ye kaisi be-niyazi hai
ki jalti ediyon ki siskiyan san kar bhi badal chup raha hai
ye kaise rat-jage ankhon men utre hain
ki jin ke silsile qarnon pe phaile hain
magar main hijr ke mausam liye
kab se
kisi banjar zamin ke khvab ka tavan bharti huun
Leave a Reply