jab bhi jalegi sham.a to parvana aa.ega
divana le ke jaan ka nazrana aa.ega
tujh ko bhula ke lunga main ḳhud se bhi intiqam
jab mere haath men koi paimana aa.ega
asan kis qadar hai samajh lo mira pata
basti ke baad pahla jo virana aa.ega
us ki gali men sar ki bhi lazim hai ehtiyat
patthar uTha ke haath men divana aa.ega
‘nasir’ jo pattharon se navaza gaya huun main
marne ke baad phulon ka nazrana aa.ega
Leave a Reply