na sanam-kadon ki hai justuju na ḳhuda ke ghar ki talash hai
mire dil men bhar de jo bijliyan mujhe us nazar ki talash hai
hain bahut se aise bhi rahzan jo milenge ḳhizr ke bhes men
koi un se kah de ye ham-safar jinhen rahbar ki talash hai
tujhe chand roza ḳhushi mili to mila mujhe gham-e-da.imi
vo tiri nazar ki talash thi ye miri nazar ki talash hai
miri raah ye tiri raah vo mira saath tujh se nibhega kya
ki mujhe hai dard ki justuju tujhe charagar ki talash hai
Leave a Reply