rahat-indori

Shahr Kya Dekhen Ki Har Manzar Mein Jale Pad Gae

shahr kya dekhen ki har manzar men jaale pad gae

aisi garmi hai ki piile phuul kaale pad gae

main andheron se bacha laaya tha apne-ap ko

mera dukh ye hai mire pichhe ujale pad gae

jin zaminon ke qabale hain mire purkhon ke naam

un zaminon par mire jiine ke laale pad gae

taaq men baitha hua budha kabutar ro diya

jis men dera tha usi masjid men taale pad gae

koi varis ho to aae aur aa kar dekh le

zill-e-subhani ki unchi chhat men jaale pad gae

More Poems

Leave a Comment