Tuk dekhiyo ye abru-e-ḳhamdar vahi hai
kushta huun main jis ka so ye tarvar vahi hai
mansur sa koi na hua ḳhalq jahan men
is mamlakat-e-faqr ka sardar vahi hai
puchha jo main us se ki ‘huzur’ aisa koi aur
gahak bhi hai ya ek ḳharidar vahi hai
itni jo aziyyat use deta hai tu har dam
kya qabil-e-jaur-o-sitam ai yaar vahi hai
kahne laga ham logon ka mashrab to yahi hai
jo koi bahut chahe gunahgar vahi hai
Leave a Reply